كأننا نعيش داخل فيلم كوميدى هزلى هابط لاينتهى !!, فلا احد يستطيع انكار ان
القيادات الاخوانيه هى أحد الاسباب الرئيسيه لزيادة معارضى الرئيس ,فدائما ما يتحفوننا
بالتصريحات اللوزعيه والغبيه , عن عودة اليهود مصر مره , وعن وجود مؤامرات
مره , حتى وصل الامر بأحدهم ان يقول ان الرئيس محسود !! , ويعتقد بعض مؤيدى
الرئيس انهم اكثر وطنيه من باقى المصريين , ولكن الوطنيه ليست حكرا على أحد ,
وليست بالصياح والمأمأه , فأقوال بعض مؤيدى الرئيس تحتاج الى الحجب مثل حجب
المواقع الاباحيه ,لان الكروت الشحن بتغلى لكن البنى ادم بيرخص , و3 أرغفه فى اليوم
كفايه !!! لأن الشعب لازم يعمل دايت , وخمسه لتر بنزين كفايه علشان لما تتخنق من
عيشتك تولع ف نفسك , فرئيسك مؤيد من السماء , ومفيش مشكله لو شبهناه بالصحابه
رغم انه هو وجماعته بيفكرونى بالخوارج ,ولا عزاء للتاريخ , لان التاريخ هيذكر ايامنا
بكل شر , لاننا مقتنعين بداخلنا بكم الفشل اللى احنا فيه , ولا عزاء للمتفائلين , لأن
التفاؤل مع جماعه هتكفرك لو عارضتهم , زى المتقائل ان الدائرى هيكون فاضى عند
نزلة المريوطيه يوم الخميس الساعه 2 الضهر !! , وكل الطرق تؤدى الى روما كما
قالوا , ولكن عندنا فى مصر كل الطرق تؤدى الى قصر الاتحاديه سواء كنت متظاهر او
خاطف للسلطه , فالسلطه تعميك عن كل شىء حتى عن مطالب شعبك , فالمطالب
والامال كتيره لكن مين هيحققها !؟ , فأحلام المرشد وجماعته أوامر , ومطالب الشعب
خروج على الحاكم , والشعب قال كلمته اللى يهينه على جزمته , لأن اهانه الرئيس
ممكن تسجنك لكن الاهانه للصحابه والرسل بتشبيه الرئيس بيهم شىء مقبول من تجار
الدين , اللى بيتاجروا بكل شىء ,طالما ان ده فى مصلحتهم , ومصلحة البلد ان الرئيس
يكون للجميع وليس الجماعه , فيامن تحكمون تذكروا التاريخ وتذكروا حكمه , واعلم تمام
العلم انكم لا تسمعون ولا تنصتون الا لشيطانكم , واحب اهدى سيادتكم هذه الكلمات
كاهداء خاص ,,,,
والكل بيزايد وبيعمل فيها شريــــف ,,
والناس تموت ونشوف دا تخريـف ,,
العمر بيعدى نفسى اشوفلك صيــف ,,
كل ايامك مطر وطين وخريــــف ,, #مرسى :) !!
