مفــــــــــــــارقـــــــــــــــــــات

اعتقد اننى فى هذه الايام أرى كثيرا من المفارقات المضحكه والمواقف الغريبه والمتضاده ف نفس الوقت
.
المجلس العسكرى يداهم المنظمات الاجنبيه ويعتقل القائمين عليها  ...المجلس العسكرى سمح لهم بالخروج برضه .
.
مبارك  وابنه كانوا بيسجنوا الاخوان ...والاخوان دلوقتى سجنوه هوا وابنه
.
اغلبية مجلس الشعب كانت من الحزب الوطنى ... اغلبية المجلس الان من حزب الاخوان ...........الوطنى  :))
.
الشرطه كانت بتقبض على اللى بيربى دقنه ..... دلوقتى الشرطه هى اللى ربت دقنها
.
الشرطه العسكريه هى اللى قتلت المسيحيين عند ماسبيروا ..... والشرطه العسكريه هى اللى نظمت عملية دفن بابا المسيحيين
.
منعت الرقابه لقطات من فيلم مروه لخدشها الحياء ..... وكرمتها الشرطه لرفعها الروح المعنويه لرجالها .
.
السلفيين بيربوا دقنهم .... والاشتراكيين الثوريين بيربوها .... وقساوسة الكنائس ايضا
.

بعد اعلان عمر سليمان ترشحه للرئاسه .... اقترح انا يكون القصر الرئاسى فى حدائق القبه

تأمـــــــــــــــــــــــــــــــــــــــلات

عندما سمعت خبر موت راس الكنيسه المصريه  وشاهدت ملامح  وجوه المصريين

مسلمين ومسيحين ...ايقنت ان مصر بخير ... وعندما رايت  بعض الاعضاء

الاسلاميين جالسين اثناء وقوف المجلس دقيقه حداد ,ايقنت ان هناك من يريدنا الرجوع

للخلف .... فليس الاب فلوباتير يمثل المسيحيين ولا ابو انس يمثل المسلميين ... ولا

هؤلاء الاعضاء  الجالسون يمثلون من انتخبوهم ... مارأيته  فى  المجلس يتنافى مع

تعاليم ديننا الحنيف ... رايت  تجمع المصريين امام دير الانبا بيشوى ,فايقنت انه لن

يفرق بين شعب مصر شىء ... شعب غريب الطبع والطباع ,انه شعبنا , يرشح

الاسلاميين  ويجعلهم يكتسحون , ويذهب فى مقدمة العزاء فى بابا المسيحيين ,واول من

يهنئهم بأعيادهم , ويطلق على الليبراليين انهم كفره , , انهم المصريين

افتكاسات 2

مشاهدة اعضاء المجلس .... مثل مشاهدة مادونا ... الاثنان عراه ..... مجلس الشعب

.

اختلافك مع  احد اصدقائك فكريا ...اصعب من صعود الهرم 

.

الثوره تخسر كل يوم مؤيدين لها ... والسبب افعال من يدعون انهم قاموا بها 

.

المستحيلات ( ٤) . الغول .. والعنقاء .. والخل الوفى  ...و مصاب اوقتيل  من ٦ابريل 

.

ف زمننا هذا برلمان كله معارضين... ولا يعارض بالمره 

.

عدد المترشحيين للرئاسه ..اكبر من اللى هيدلوا باصواتهم 

المنظمات الاجنبيه ... وجبر الخواطر

بعدما رايت تعليق نواب مجلس الشعب ع موضوع المنظمات الاجنبيه ...ترسخ لدى

يقين  بان مقوله سعد زغلول ( مفيش فايده ) لم يقولها من فراغ ...وتأكدت ان هؤلاء

الكائنات التى نطلق عليها مجازا اعضاء المجلس... ماهم الا ألسنه يحركها مكتب

الارشاد من المقطم ..وان  السياسه ف مصر يديرونها اثنان فقط . المجلس العسكرى

والاخوان .. برعاية المخابرات المصريه ...والمشاهدون انا وانت وباقى الاحزاب

والمستقليين  ..فلا تتوقع عندما يقوم نائب يصرخ ويشجب ويستنكر لدرجة ان عروق

وجهه نراها ع الشاشات ...انه سيقول شيئا هاما او مهما ...وانما ستجد حصيلة ماقاله

صفر كبير ...وان ما اتفق عليه وراء الكواليس هوا الذىسينفذ ...وما يقوله الاعضاء

بمختلف اتجاهاتهم فى مجلس الشعب ... نسميه فى ثقافتنا  الشعبيه (( جبر خواطر ))

الدقن والصوره

استلهاما لروح الكاتب الساخر <جلال عامر >...فكرت ان اكتب مقال باسلوبه اتوقع ماذا سوف

يكتب لنا عن مايحدث الان .

                                                    (( الدقن و الصوره ))

.

بعد اعلان ان الاخوان بقوا اغلبيه ف المجلس...وجلوس عصام العريان ع كرسى زكريا

عزمى اللى ورا ..اقترح ان كلنا نربى دقننا ..مش قدوه بالشرطه .....ولا استلهاما ...لدقن

السلفيين ف المجلس ...لكن عشان نتصور مع مروه ... اصلى اللى بيربى دقنه

بيتصور ....ومش كل الصور تنفع تتحط ع الجرنان ...لان صورة اعضاء المنظمات لما

سافروا تفرق عن صورة وزير دفاع امريكا لما جه مصر ... واحنا كلنا فرحانيين

بالاخوان بره المجلس جواه لأ...لكن هنفرح لو سجن طره جواه مبارك ...لان الازمه

مش ف العيش ولا البوتجاز الازمه فى الاحكام .....انا كان ليا واحد صاحبى عندوا

اخلاق لكن مش لاقى ياكل .....وزمان كلنا أكلنا على قفانا لكن اللى عمل كدا هوا اللى

شبعان دلوقتى .... بس هوه متصورش مع مروه لكن اتصور مع انجلينا ....

بمناسبة انجلينا اعلن ترشيح براد بيت رئيسا لكن مروه لأ ..... لكن لو هتصور معاها

هرشحها اكيد

لماذا لاتجيب ....................؟؟

من اغرب الفيديوهات للاخت منى الشاذلى ؟؟
.
ولماذا لاتريد الاجابه  عن هذا السؤال ؟؟



http://www.youtube.com/watch?feature=player_detailpage&v=ctxaMyXdoYk

وداعا جلال عامر

رحلت الكلمه الحره والمعبره عما بداخلنا ....

رحل الرجل الذى اضحكنا ع همومنا وابكانا ع ضعفنا .....
 

رحل الرجل الذى عاش مغمورا ومات مقهورا ......
 

رحل رجل تعلمنا من الكثير ولم ننفذ من كلامه الا القليل .......

عزائي الوحيد ان جلال عامر مات وهو ناجح بعد سنين من البحث الجاهد علي فرصة يتكلم فيها للناس.. مات وهو في قمة تألقه وعطائه.. مات عمره سنة حرية.

رحمك الله ياجلال عامر واسكنك فسيح جناته

افتكــــــــــــــــــاســات

                                                                                                      #                    




       النار تأكل نفسها ان لم تجد ماتأكله .......وكذلك الثوره # وهذا مايحدث الان
                                                               
      بعد اعلان البرادعى تفكيره ف الترشح للرئاسه مره اخرى.....اعتقد ان اللى اقنعه بكدا انجلينا جولى
                                                                 
                                                                                  
       بعد لقاء البرادعى با انجلينا جولى . ...ربما نجد براد بيت مرشحا للرئاسه      
                                                                                     
      رغم قيامنا بالثوره ...سجل فيلم سعد الصغير اعلى ايراد ف يوم واحد ف تاريخ السينما ...وسجلت قناة التت اعلى مشاهده
                                                                             

      على فكره الستات كلهم مجانين بكل اشكالهم وانواعهم .....#حقيقه علميه




سبحان الله ..
رحل ابراهيم الفقى................. ملك التفاؤل
ورحل جلال عامر.... ملك الضحك والسخريه