مشهد 1 ..... ليل داخلى فى غرفه إضائتها خافته .... ومكتب كبير ..خلفه علم مصر ... يجلس شخص .... وأمامه 3 أشخاص ....
________________________________________________________________________
يــــــقـــــــول الاول : هنعمل إيه مع العيال دول
الثانى يرد قائلا : إحنا نكلم المشايخ يقوللهم كدا مينفعش وميصحش وإلا هما عارفين هنعمل إيه !!
يصرخ الثالث : نعم ... العيال دى لازم يتقبض عليها ... ولو معملناش كدا .. كل يوم هيخطفوا شويه !؟
يتدخل الرابع سريعا : لا لا انا التعليمات اللى جاتلى اننا نتفاوض وفى ناس من الحزب بتاعنا بتعمل مفاوضات حاليا مع العيال
وأقرباؤهم
ينقلب وجه الرجل الثالث : نعم !؟ إيه التهريج دا !؟ ........ ينظر إليه الرجل الاول نظره يعرف معناه .. فيلزم الصمت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
فى أثناء الصمت ....... يرن الهاتف .....
يرد الرجل الاول .... ألو ....
(يعتدل فى جلسته ) ويقول : تمام يافندم .... حاضر يافندم ... تمام فى إنتظارهم تمام ..... مع ألف سلامه يافندم
,ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يسود الصمت المكان .
.يقطعه الرجل الاول قائلا ..... فى تعزيزات هتوصل بكره هنا
يقاطعه الرجل الرابع : مين قال كدا !؟ ..
ينظر إليه الرجل الاول ... فيصمت الرجل الرابع ويتجه الى أخر المكتب .. ويجرى مكالمه قصيره
......... ألو ........ أيوه ... انت عرفت ان فى تعزيزات بكره هتوصل !؟ .... لسه فى تليفون وصل دلوقتى بيقول كدا ....... طيب
عرفه بالموضوع دا ومنتظر تعليمات سيادته إيه !؟
________________________________________________________________________
مشهد 2 ... صباحا ... فى نفس المكتب .... يجلس الرجال الاربعه
يبدأ الرجل الاول : القوات وصلت .... وبدأت فى الانتشار تدريجيا
يرد الرجل الثالث : إحنا مستعدين يافندم ... وفى إنتظار الاوامر من القاهره
يتدخل الرجل الثانى : المفاوضات بدأت وأنا كلمت المشايخ .. وفى اتصال مع الخاطفين
( يبتسم الرجل الرابع .... وينظر للرجل الثالث فى شماته )
يطرق الباب .... يدخل عليهم خامس .... يرتدى زى مدنى .... يسلم على الرجال الاربعه ويجلس
يسأله الرجل الاول : إيه الاخبار
يرد الرجل الخامس : تمام ياباشا ... حددنا الخاطفين ومكانهم .... ورجالتكم كانوا معانا برضه
يبتسم الرجل الاول : تمام كدا ...
يقاطعهم الرجل الرابع : لا لا الناس بتوعنا وصلوا النهارده ... وبيتواصلوا مع الخاطفين وإنشاء الله هيخلصوا
.... ( نظر إليه الرجل الخامس مستغربا .... وصمت )
قطع الرجل الثانى الصمت : المشايخ كلمونى وقلتلهم قدامكم 24 ساعه وبعدين هنتصرفا ... إبتسم الرجل الاول ... فى حين تغير
وجه الرجل الرابع وأمسك بهاتفه وإتجه لأحد أركان الغرفه وأجرى إتصال .. ألو .... أيوه ... هما ناويين يتدخلوا بعد 24 ساعه
!! .......... (يأتيه الرد من الجانب الاخر ) ... فيبتسم الرجل ويرد : وبالنسبه لطلبات الخاطفين !؟ ...... ( يأتيه الرد مجددا ) .....
فيرد : تمام كدا وربنا يوفق الاخوه ..... وينهى الاتصال
________________________________________________________________________
مشهد 3 _ صباحا ...
يجلس الخمسة رجال بالمكتب ... يتابعون القناه الرسميه وإعلانها عن نجاح تحرير المتهمين وهروب الخاطفين وإستقبالهم فى
المطار من كبار رجال الدوله ...
يجلس الخمسه وكل واحد منهم على وجهه تعبيرات مختلفه , وإن كان الرجل الرابع أكثر فرحا وكلاما عن حنكة وذكاء القائد ,
وحفاظه على ارواح الخاطفين والمختطفين .... !؟ ....... إنتهى !؟
