كان ليا واحد صاحبى بيفرح و بيحب الانفلات الامنى مع انه بيخاف ينام فى الضلمه ...
ولكن بعد تصريحات الرئيس بعودة الامن ,اتأكد انه هيفضل فرحان ... لكنه زعل من
عصام العريان اللى قال عليه يسارى بياخد تمويل وبعيد عن الدين , مع انه مبيفوتش
فرض لكن بيفوت تصريحات غبيه كتير ...وفرح بالافراج عن المعتقلين , لكن زعل لما
3 منهم اشتركوا فى مذبحة جنود الحدود .... ورجع يتفائل لما سمع عن المليارات التى
سيوفرها مرسى عقب رئاسته , لكنه اتصدم لما لقى الفلوس دى هتيجى عن طريق
القروض .... وقلع هدومه فرحا لما عرف ان مرسى يقود عمليات سيناء , لكن طلع ملط
فى الشارع لما شاف بطء وتهاون العمليات المتعمد هناك ... وعشم نفسه بأمل لما شاف
مكى وزير للعدل , لكن اتشل لما عرف ان اول قوانينه قانون الطوارىء .... ورجع يسمع
التلفزيون شاف انهم هيعملوا جمعيه تأسيسيه للدستور , لكن اتجنن لما لقى الجماعه
بتكوش على الجمعيه التأسيسيه ... وصدق مرسى لما قال انه لن يغلق جريده او فم فى
عهده , لكن جاله صلع لما قفلوا قناة الفراعين وحبسوا مدير تحرير وحققوا مع اخر ....
لكنه رفض يصدق عقله وقرر يقتنع بكلام مرسى عن احترامه لحريه التعبير عن الرأى ,
لكن جاله ارتشاح فى المفاصل لما شاف كلام الشيوخ عن استحلال دم المتظاهرين يوم
24\8 .... ولكنه قرر الصمود , ولكن بعد ما عرف ان عصام العريان هيبقى مستشار
الرئيس السياسى .... #طلع من انفه وحجرته معا ....صوتا يعاقب عليه القانون !!!!!
.
.
# اللى بيسأل عن صاحبى ده فين دلوقتى !!!
تقدروا تزوروه فى مستشفى العباسيه للامراض النفسيه الدور2 عنبر 10 ’عنبر العقلاء’
