.
بعدما اعلنت كل الصحف واصدقاء ابو اسماعيل ان والدته امريكيه ...واصراره على
انها مصريه ..اقترح اننا نعمل لجنة تقصى حقائق علشان نقنع اسماعيل بالحقيقه
وامرنا لله...فمن مرشح مش مصدق ان امه امريكيه... لمرشح شاطر قابل الامريكان
قبل مايترشح ..لمرشح صغيرعامل زفه بلدى وهوا رايح يترشح ... ويا قلبى لا
تحزن .... كان ليا واحد صاحبى زمان كان شاطر ــ فى الكدب ــ وهوا صغير ، بس دا
ميمنعش اننا نرقص على الحبل ...فمن مشاركه لا مغالبه الى مغالبه لا مشاركه ...
واللى مش عاجبه يروح كندا ...واحنا قاعدين تايهيين فى النص ورافعين شعار ــ
محدش فاهم حاجه ــ لذلك اقترح اننا نرشح ابواسماعيل ضد اوباما واحنا نضمنله
النجاح ... ونرشح سعد فى شارع الهرم اكيد هيكسب ... والشاطر نخليه يدعيلنا ..اصل
الاخوان بيقولوا دعوته مستجابه ... وبالنسبالنا احنا نولع بجاز علشان نرتاح
ونريحهم ... لقد اصبح الشعب المصرى ينتظر المخلص والمنقذ ... ولا يكلف نفسه
بالبحث عنه ... ... عفوا ياشعب مصر العزيز لا يأتى
المخلص او المنقذ من تلقاء نفسه ... بل لابد ان نبحث ونسعى لايجاده
